Convocatorias europeas Marie Skłodowska-Curie Actions: Postdoctoral Fellowships

Foi publicada a convocatoria do programa europeo Marie Skłodowska-Curie Actions (MSCA) – Postdoctoral Fellowships

Esta convocatoria, aberta a tódolos ámbitos de estudo, ten dúas modalidades:

• European Postdoctoral Fellowships (EF): aberta a investigadores/as de calquera lugar do mundo para realizar estancias de entre 12 e 24 meses en centros de países da Unión Europea ou de países asociados a Horizonte Europa. Os requisitos de admisibilidade son:
  • Ter defendido a tese doutoral como máximo nos 8 anos anteriores á data de peche da convocatoria (excepcións en caso de baixas de enfermidade, permisos de maternidade e paternidade, etc.)
  • Non ter residido no país onde se realizará a estancia máis de 12 meses dos anteriores 36 meses previos á data de peche da convocatoria.

• Global Postdoctoral Fellowhsips (GF): aberta a investigadores/as europeos ou de países asociados (sexan nacionais, residentes de longa duración ou refuxiados) para realizar estancias de entre 12 e 24 meses centros de terceiros países (fóra da Unión Europea ou dos países asociados) e unha estancia final de 12 meses nun centro dun país da Unión Europea ou país asociado. Os requisitos de admisibilidade son:
  • Ter defendido a tese doutoral como máximo nos 8 anos anteriores á data de peche da convocatoria (excepcións en caso de baixas de enfermidade, permisos de maternidade e paternidade, etc.)
  • Non ter residido no terceiro país máis de 12 meses dos anteriores 36 meses previos á data de peche da convocatoria.